በሳዑዲ አረቢያ የሚገኙ ኢትዮጵያውያን ሮሮ

ሳዑዲ አረቢያ የሚኖሩ ኢትዮጵያውያን ፓስፖርታቸውን ለማሳደስ ወይም በሌላ ለመቀየር ረጅም ጊዜ በመውሰዱ መቸገራቸውን ገለጹ። ነዋሪዎቹ እንደሚሉት ሳዑዲ አረቢያ በተለይም ጂዳ የሚገኘዉ የኢትዮጵያ ቆስላ አሮጌ ፓስፖርታቸዉን ሰብስቦ አዲሱን ግን ለረጅም ጊዜ አልሰጣቸዉም።

በዚሕም ምክንያት የመኖሪያ ፍቃዳቸዉ ጊዜ ማለፉን ወይም ሊያልፍ መቃረቡን ይናገራሉ። እንደሚሉትም ፓስፖርታቸውን እንዲታደስ ወይም እንዲቀየር ሳዑዲ አረቢያ የሚገኘው የኢትዮጵያ ኤምባሲ የጠየቃቸውን ገንዘብ ቢከፍሉም፤ የታደሰዉን ፓስፖርት ለማግኘት ከአምስት ወራት በላይ ጠብቀዋል። እስካሁን አላገኙትም።