ጁምዓ በፖሊስ ጥቁር ሽብር ተናወጠ

ዛሬ አርብ ጁምዓ ነበር። የረመዳን ጾም እንደመሆኑ መጠን፤ ለስግደት በጣም ብዙ ሺህ ህዝብ ወደ ታላቁ አንዋር መስጊድ ሄዷል። ከኢህአዴግ ጋር ተመሳጥረው ሙስሊም ወንድሞቻቸውን አሳልፈው በሰጡ እና የ”ኮሚቴ አባሎች” ይፈቱ በሚሉ ሰላማዊ ሙስሊሞች መካከል የተፈጠረው ውጥረት አሁንም እንዳለ ነው። ኢህአዴግ መራሹ መንግስትም ይህን የመከፋፈል አጋጣሚ በመጠቀም፤ “ድምጻችን ይሰማ” የሚሉ ወገኖችን በመደብደብ እና በማሰር መፍትሄ ለማግኘት የሚያደርገውን ጥረት ቀጥሏል።

ሹመኛ የመጅሊስ አመራሮችን ዛሬ በይፋ ህዝብ አውርዷቸዋል!!

ይህ አይነቱ በጨለምተኝነት ላይ የተመሰረተ የኢህአዴግ ድርጊት፤ በህዝብ ላይ የሚተገበር “ጥቁር ሽብር” ከማለት ውጪ ሌላ ትርጉም የሚሰጠው አይደለም። ለዚህም ነው በርእሳችን ላይ “ጁምዓ በፖሊስ ጥቁር ሽብር ተናወጠ” ያልነው።  ይህ ሽብር እና ነውጥ ምን ይመስል እንደነበር የበለጠ ለመረዳት በስፍራው ተገኝተው፤ የአይን ምስክር ሆነው ዘገባቸውን ያቀረቡትን የጋዜጠኛ ኤልያስ ገብሩ እና የጌታቸው ሽፈራውን ዜና መመልከት በቂ ነው። በቅድሚያ ጋዜጠኛ ኤልያስን ዘገባ እናስቀድማለን።

በብጥብጥ የተቋጨው የጁምዓ ስግደት በአንዋር መስጊድ (ጋዜጠኛ ኤልያስ ገብሩ)

መጽሐፍ ሳነብ ስለነበር በጣም አምሽቼ የተኛሁት፡፡ ጠዋት አረፍጄ ተነሳሁ፡፡ ቁርሴንም ሳልበላ ወደ አንዋር መስኪድ አመራሁ፡፡ ከፒያሣ ጀምሮ መንገድ የተዘጋጋ ስለነበረ፤ ከሦስት ሙስሊም ወንድሞቼ ጋር አንድ ላዳ ታክሲ ኮንትራት ይዘን አቆራረጥን ታላቁ አንዋር መስኪድ ደረስን፡፡ አካባቢው በሙስሊሙ ማኅበረሰብ ተሞልቷል፡፡ አብዛኛው ምንጣፍ እና ካኪ ወረቀት አንጥፈው ለጁምዓ ጸሎት እና ለስግደት ተቀምጠዋል – አስፋልቱን ጭምር ተጠቅመውበታል፡፡ ለመቀመጫ ቦታ ያላገኙት ቆመው ከመስኪዱ በአረብኛ ቋንቋ የሚነገረውን ምስጋና (ትምህርት) በጥሞና እየተለታተሉ ነው፡፡

በርከት ያሉ ፖሊሶች በመስኪዱ አቅርቢያ የተለያዩ ቦታዎች ላይ ቆመዋል – ረዥም ሽመል ይዘዋል! እኔም እንደ ጋዜጠኛ የሙስሊሞቹን ሰላማዊ ተቃውሞ ለመከታታል በማሰብ ነው አንዋር መስኪድ የተገኘሁት፡፡ ከመስኪዱ ራቅ ብዬ በመቆም ሁኔታውን መከታተል ጀመርኩ፡፡ ነገሮች ሰላማዊ ነበሩ፡፡ ከሥፍራው ከተገኘሁ ከአሥራ አምስት ደቂቃ በኋላ በመስኪዱ ዋና በር አካባቢ ወረቀቶች ወደ ላይ ይበተኑ ጀመር፡፡ ሦስት፣ አራት ቦታም ተመሳሳይ ወረቆች መበተናቸውን ቀጠሉ፡፡ 

ወዲያው፣ ከርቀት ከመስኪዱ በስተቀኝ በኩል ረብሻ ነገር ተመለከትኩ፡፡ ድንጋይ ሲወረውር እና ፖሊሶች ዱላ እንደያዙ ሲሯራጡም ማየት ችያለሁ፡፡

አድማ በታኝ ፖሊሶች በጅናድ በኩል አድርገው ወደ አንዋር መስኪድ ሲሄዱ (ኢ.ኤም.ኤፍ)

አፍታም ሳይቆይ አካባቢው በሰዎች ሩጫ፣ በረብሻና በፖሊሶች ማሳደድ ትርምስምሱ ወጣ፡፡ ብዙ ሰው በአካባቢው ወደሚገኙ የመኖሪያ እና የንግድ ቤቶች እየዘለለ መግባት ጀመረ፡፡ ነገሮች ለአፍታ ጋብ ያሉ ቢመስሉም ሁኔታው በድጋሚ ተቀሰቀሰ፡፡ በርካታ ፖሊሶች ወደ መኖሪያ ሰፈሮች እና ግቢዎች ውስጥ ዱላቸውን ይዘው በመግባት ሰዎች ማባረር፣ ማሳደድና በዱላ መማታት ጀመሩ፡፡ 

እኔም ከሦስት ፖሊሶች ጋር ከአንድ መኖሪያ ግቢ ውስጥ ተፋጥጬ ነበር፡፡ አንድ ዱላ ሲሰነዘርብኝ በእጄ ተንቀሳቃሽ ኮምፕዩተር (ላፕቶፕ) ይዤ ስለነበረ እሱ ከፍ በማድረግ ዱላው የላፕቶፕ ቦርሳዬ ላይ አረፈ፡፡ የቀኝ እጄ ጠቋሚ ጣት ግን ከበትሩ ማምለጥ ሳይቻለው ቀረ፡፡

ጥቁር ሽብር

… ከበሩ ፊት ለፊት የነበሩት ፖሊሶች ጥለውን ሄዱ፡፡ ወደ አሜሪካን ግቢ በጉራንጉር ውስጥ አልፌ ብሄድም ድብደባው እና ወከባው በዚህ አለ፡፡ ብዙ ወጣቶች ተደብድበው፣ ጭንቅላታቸው ተበረቃቅሶ ደም በደም ሆነው ተመልክቻለሁ፡፡
በዛሬው ዕለት ምስቅልቅሏ የወጣውን መርካቶ በቻልኩት አቅም ለማየት ችያለሁ፡፡ ሱቆች ተዘጋግተዋል፡፡ አንዋር መስኪድ በፌዴራል ፖሊስ ባልደረቦች እና መኪኖች ተከብቦ ነበር፡፡ አድማ በታኝ ፖሊሶችም በምዕራብ ሆቴል ቁልቁል በሰልፍ ሲያዘግሙ እና ሰፊዋ መርካቶ በፌዴራል ፖሊሶች ተወርራ ነበር፡፡

በጥቅሉ በዛሬው የአንዋር መስኪድ የጁምዓን ጸሎት ተከትሎ የተፈጠረው ሁኔታ አሳዛኝ እና ዘግናኝ ሆኖብኛል፡፡

————————

የጋዘጠኛ ኤልያስ ገብሩ ዘገባ እዚህ ላይ ያበቃል። ከስፍራው ሌላም ዘገባ ደርሶናል።ጌታቸው ሽፈራው በስፍራው ተገኝቶ ያየው እና የታዘበውን እንዲህ አስቀምጦታል።

መንግስት በህዝብ ላይ ያደረሰው ሽብር ካበቃ በኋላ። (ፎቶ ኢ.ኤም.ኤፍ)

ጭካኔ በአንዋር መስጊድ!

እነዛ ሰላማዊ ሙስሊም ወጣቶች ያለ ርህራሄ እንደዳጉሳ ሲወቀጡ አየሁ፡፡ ህጻን፣ ሽማግሌ፣ ሴት፣ ርጉዝ ሳይባል
በጭካኔ ተደበደቡ፡፡ ታፈሱ! አንዱ ደብድቦ ያሳለፈውን ሌላኛው በተራው ይቀበለዋል፡፡ ተዝለፍልፎ የወደቀ የወደቀበት ላይ ይወቀጣል፡፡ ወጣቶቹ አገር ሰላም ነው ብለው ለመስገጃ የወሰዷቸው መስገጃ ወረቀቶች ደም
በደም ሆነዋል፡፡

ፖሊስና ደህንነቶች በድብደባው ቢሳተፉም ያለ ርህራሄ ወጣት አዛውንቱን በቆመጥ የተደባደቡት ከየ
ጎዳናው የተለቀሙት ወጣቶች ናቸው፡፡
አንዳንዶቹ የጎዳና ተዳዳሪዎች ለመሆናቸው አለባበሳቸው በግልጽ ያሳያል፡፡ ፖሊስ አትደብድቡ እያላቸው
እንኳን የሚሰሙ አይደለም፡፡ ሽጉጥ ማቀባበል የማይችሉት ሽጉጥ ተሰጥቷቸው ሲያስፈራሩ ካርታው ሲወርድባቸው ተመልክቻለሁ፡፡

በወቅቱ የሰማያዊ ፓርቲ የሰማያዊ ፓርቲ የብሄራዊ ምክር ቤት አባል የሆነችው ወጣት ወይንሸት ሞላ አብራኝ ነበረች፡፡ አንዋር መስጊድ በወንዶች መግቢያ ፊት ለፊት ካለው ህንጻ ላይ ሆነን ሁነቱን ስንከታተል ከአሁን ቀደም የሚያውቃትና ከህንጻ ላይ ሆኖ ሲቀርጽ የነበር ደህንነት ብቻዋን ነጥሎ እየደበደበ ወሰዳት፡፡

‹‹ለምን ተወስዳታለህ!›› ብዬ በጠየኩበት ወቅት ከእነዛ ከመንገድ ተለቃቅመው ለድብደባ የተሰማሩት ወጣቶች መካከል አንዱ ሽጉጥ አወጣብኝ፡፡ ለመሳሪያ ልምድ የሌለው በመሆኑ ካርታው እግሩ ስር ወደቀበት፡፡
ወይንሸትን ይዘውም ወደ ውጭ ከነፉ!

ወይንሸት ከተያዘች በኋላ የእነዛ አረመኔዎች ዱላ እኛም ላይ አረፈ፡፡ ፖሊሶች ደክሟቸውን ይሁን አዝነው
ሲተውን ከየት እንደመጡ የማይታወቁት ወጣቶች ግን እስኪበቃቸው ደብድበውናል፡፡

በድብደባው መሃል አንድ ፖሊስ ክርስቲያን መሆኔን ገልጾ ከአዛውንቶችና ከህጻናት ጋር ስለቀላቀለኝ እንደነዛ ወጣቶች ተዝለፍልፎ ከመውደቅ ተርፌያለሁ፡፡

እንግዲህ አንድ አገር እስከኖርን ድረስ፣ ጭቆናውም የሁላችን እስከሆነ ድረስ ሁላችንም ነጻ ካልወጣን ማንም ነጻ ሊወጣ አይችልምና እኔም እንደወንድሞቼ በአጠና ተደብድቤ ተለቅቄያለሁ፡፡ ግን አልተሰማኝም፡፡ ከእኔው ይልቅ የማይችሉት ዱላ ያረፈባቸው ህጻናትና አዛውንቶች ጣር ልብ ይሰብራል፡፡ ወይንሸት ላይ ያረፈው በትር ያማል!

የአቶ አንዳርጋቸው ጽጌ ታላቅ እህት በ24 ሰአታት አገር ለቀው እንዲወጡ ታዘዙ

ለሰአታት በቁም እስር ላይ የነበሩት የታዋቂው ፖለቲከኛና የሰብአዊ መብት ታጋይ የአቶ አንዳርጋቸው ጽጌ ታላቅ እህት ወ/ሮ ብዙአየሁ ጽጌ

የወንድማቸውን ጉዳይ ለመከታተል በሚል ከ10 ቀናት በፊት ወደ ኢትዮጵያ ቢያመሩም፣ ከትናንት በስቲያ ደህንነት ጽ/ቤት  ከተጠሩ በሁዋላ አገሪቱን በአስቸኳይ ለቀው እንዲወጡ ተነግሯቸዋል።

በታዘዙበት ሰአት ለመመለስ እንደሚቸገሩ የተናገሩት ወ/ሮ ብዙአየሁ፣ የ 24 ሰአት ጊዜ የጊዜ ገደብ ከተሰጣቸው በሁዋላ ዛሬ ወደ አሜሪካ ተመልሰዋል።  ወ/ሮ ብዙአየሁ የአቶ አንዳርጋቸውን

ቤተሰቦች በመወከል ጉዳዩን ለመከታተል በሚል መሄዳቸውን ከቤተሰቦች የተገኘው መረጃ ያመለክታል።

ኢህአዴግ የአቶ አንዳርጋቸው ጉዳይ የእግር እሳት እንደሆነበት የሚደርሱን መረጃዎች ያመለክታሉ። አቶ አንዳርጋቸው የህዝቡ የመነጋገሪያ አጀንዳ መሆናቸውና ከዚሁ ጋር ተያይዞ የግንቦት7 ዝናም

ከምንጊዘውም በላይ በመጨመሩ የገዢውን ፓርቲ ከፍተኛ አመራሮችን እያበሳጨ ነው።

ይህ በእንዲህ እንዳለ ለአቶ አንዳርጋቸው ጽጌ ያላቸውን አክብሮት ለመግለጽ በአገር ውስጥም በውጭም የሚገኙ ኢትዮጵያውያን  አሁንም በተከታታይ ስልኮችን እየደወሉ አስተያየቶችን እየሰጡ ነው።

በፐርዝ አውስትራሊያ የሚገኙ ኢትዮጵያውያንም ከእንግሊዝ ቆንስላ ጽህፈት ቤት ፊት ለፊት የተቃውሞ ሰልፍ አድርገዋል። ኢትዮጵያውያኑ ለቆንስላው ላቀረቡት ጥያቄ የፐርዝ የእንግሊዝ የቆንስላ ሃላፊ፣

አገራቸው የአቶ አንዳርጋቸውን ጉዳይ ከፍተኛ ትኩረት ሰጥታ እየተከታተለችው ነው የሚል መልስ ሰጥተዋል።

በሱዳን የሚኖሩ ኢትዮጵያውያን ለኢሳት በላኩት ደብዳቤ የአቶ አንዳርጋቸው መታፈን ” ወያኔ  ፍጹም አወሪነቱን ያሳየበት እና ዘላአለም የነጻነት ታጋዮችን ለማስፈራራት እና ከትግሎ ሜዳ ለማስውጣት

የተጠቀመበት የትእቤት ስራ ነው። ” መሆኑን ያሳያል ካሉ በሁዋላ፣ የተወሰደው እርምጃ ህዝቡን ለትግል እንደሚያነሳሰው ገልጸዋል።

በሌላ ዜና ደግሞ በሽብርተኝነት ወንጀል ተከሰው ማእከላዊ እስር ቤት እንዲታሰሩ የተደረጉት የአንድነት ፓርቲ የህዝብ ግንኙነት ሃላፊ አቶ ሀብታሙ አያሌው፣ የድርጅቱ የድርጅት ጉዳይ ምክትል ሃላፊ

አቶ ዳንኤል ሽበሺ፣ የሰማያዊ ፓርቲ ምክትል የምክር ቤት ሰብሳቤ አቶ የሽዋስ አሰፋ እንዲሁም አረና ፓርቲ የስራ አስፈጻሚና ታዋቂ ጸሃፊ መምህር አብርሃ ደስታ ፍርድ ቤት ይቀርባሉ ተብሎ ቢጠበቅም፣

ፍርድ ቤት ሳይቀርቡ ቀርተዋል። አንድነት ፓርቲ የተያዙት ሰዎች በ48 ሰአታት ውስጥ ፍርድ ቤት አለመቅረባቸውን በመግለጽ ክስ መስርቶ ነበር። ይሁን እንጅ ፍርድ ቤቱ የቀረበውን ክስ ውድቅ አድርጎታል።

የመከላከያ ሰራዊት አባላት ስርዓቱን በብዛት እየከዱ ነው

የመከላከያ ምንጮች እንደገለጹት ባለፉት 20 ቀናት ብቻ ከባድሜ ግንባር ከ 107 ያላነሱ ሰዎች ከድተው ወደ ኤርትራ እና ወደ መሃል

አገር አቅንተዋል። ከ15 ቀናት በፊት በባድሜ አካባቢ ሲያጎ በተባለው ቦታ ላይ የሰፈሩ 60 የ 33ኛ ክፍለጦር አባላት በአንድ ሌሊት ሰራዊቱን ጥለው የጠፉ ሲሆን፣ ኤርትራ መድረስና

አለመድረሳቸውን ለማወቅ የተደረገው ጥረት እስካሁን አልተሳካም።

ወታደሮቹ የጠፉት በክፈለጦሩ የተደረገውን ግምገማ ተከትሎ ነው።  ከግምገማው በሁዋላ በየቀኑ ቢያንስ 2 ሰዎች ከተለያዩ ክፍለጦሮች እየጠፉ ወደ መሃል አገርና ወደ ኤርትራ ያመራሉ።

7 አመት ያገለገሉ በርካታ የመከላከያ ሰራዊት አባላት መልቀቂያ ቢያስገቡም፣ መከላከያ ሚኒስቴር ግን ወታደሮቹን ለመልቀቅ እስካሁን ፈቃደኛ አለመሆኑንም ምንጮች ገልጸዋል።  በዚህም የተነሳ

በሰራዊቱ ውስጥ ያለው ውጥረት ተባብሷል። የመከለካያ ሚኒስቴር በቅርቡ በየአገሩ እየዞረ ሰራዊት ለመመልመል ያደረገውም ሙከራም የተፈለገውን ውጤት ሊያመጣ አልቻለም።

ባለፈው ወር መጨረሻ ላይ የ33ኛ ክፍለጦር አባላት ከመቀሌ በተላኩት በኮሎኔል ሃጎስ ገብረማርያም መሪነት እንዲገመገሙ የተደረገ ሲሆን፣ ገምገማውን ተከትሎ  ኮሎኔሉ ሃጎስ በአንድ

ወታደር ተገድለዋል። ምንጮች እንደገለጹት ግምገማ ከመካሄዱ በፊት የእያንዳንዱ ወታደር ክፍል እንዲፈተሽ የተደረገ ሲሆን፣  ኢቻንግ አሊ በተባለ ከጋንቤላ አካባቢ በመጣ ወታደር ማደሪያ

ክፍል ውስጥ መጽሃፍ ቅዱስ ተገኝቷል።  ወታደር ኢቻንግ መጽሀፍ ቅዱስ ለምን እንዳስገና ሲጠየቅ፣ “አባቴ  እንደማስታወሻ የሰጠኝ ነው” በማለት የመለሰ ሲሆን፣ ገምጋሚው ኮሎኔል ሃጎስ ግን

” ይሄ የውትድርና ቦታ እንጅ የሃይማኖት ቦታ አይደለም፣ መጽሃፍ ቅዱስክን ከካምፕ ውስጥ አስወጣ” ብሎ  ትእዛዝ ሰጥቷል።  ወታደር ኢቻንግም መጽሃፍ ቅዱሱን ለማስረከብ ፈቃደኛ ባለመሆኑና

ይህን ካላደረገም  እንደሚታሰር በማወቁ፣  ኮሎኔሉ  ለእረፍት እንደወጣ መሳሪያውን  ከክፍሉ ይዞ በመምጣት በጥይት ደብድቦ ገድሎታል። ወታደር ኢቻንግ ግድያውን ከፈጸመ በሁዋላ  በገዛ መሳሪያው ራሱን አጥፍቷል።

በግምገማው ወቅት ከፍተኛ ትችት የተሰነዘረባቸው 60 የሰራዊቱ አባላት ኮሎኔል ሃጎስ በተገደሉበት እለት፣  ሌሊቱን ተመካክረው በአንድ ጊዜ መጥፋታቸውን ምንጮች አክለው ገልጸዋል።

በባድሜ አካባቢ ያለው እስር ቤት ዋጠው እየተባለ የሚጠራ ሲሆን፣ ጎንና ጎኑ በድንጋይ ተሰርቶ ከስር ስሚንቶ፣ ከስሚንቶው ስር ደግሞ ውሃ እንዳለውና እስረኞችን በቅዝቀዜ ለመቅጣት ተብሎ መዘጋጀቱን

ለማወቅ ትቸሎአል። እስረኛ ወታደሮች ቀኑን ሙሉ ብርሃን ሳያዩ በካቴና እንደታሰሩ እንደሚገረፉ የውስጥ ምንጮች ገልጸዋል።

በሰራዊቱ ውስጥ እየጨመረ የመጣው ተቃውሞ ያሰጋው መንግስት የደሞዝ ጭማሪ እንደሚያደርግ ቃል በመግባት ለማረጋጋት ቢሞክርም፣  ሰራዊቱ ግን አስተዳዳራዊ በደሎችንና በሰራዊቱ ውስጥ ያለውን

ዘረኝነት በመጥላት፣ የደሞዝ ማማለያውን ባለመቀበል ጥሎ እየጠፋ ሲሆን  አንዳንድ ወታደሮች ደግሞ መልቀቂያቸው ከዛሬ ነገ ይደርሳል በማለት በተስፋ እየተጠባበቁ እንደሚገኙ መረጃው አመልክቷል።

ወታደራዊ አዛዦች በአዲስ አበባና በተለያዩ የአገሪቱ ዋና ዋና ከተሞች የገነቡዋቸው ዘመናዊ ህንጻዎችና ያካበቱት የሃብት መጠን በሰራዊቱ ውስጥ ተደጋግሞ የሚነሳ ሲሆን፣ በተለይ ከህወሃት ውጭ ያሉ አንዳንድ

የአማራ እና የኦሮሞ ወታደሮች አመጽ ሊያስነሱ ይችላሉ ተብሎ በመጠርጠራቸው ልዩ ክትትል እንደሚደረግባቸው ምንጮች ገልጸዋል። የጋምቤላ ተወላጅ የሰራዊቱ አባላትም ከቅርብ ጊዜ ወዲህ ታማኝነታቸውን

እያጎደሉ ነው በሚል በአንዳንዶች ላይ ልዩ ክትትል እየተደረገባቸው ነው።

አንድ የመከላከያ ሰራዊት አባል ለአባይ ግድብ ማሰሪያ፣ ለመለስ ፋውንዴሽንና ለሌሎችም የክፍያ ትእዛዞች ገንዘብ ከከፈለ በሁዋላ ተቆራርጦ የሚደርሰው ክፍያ ወር እስከ ወር አያደርሰውም።  በአንጻሩ ነባር

ታጋዮች የሚባሉት የህወሃት ጄኔራሎች በመቶ ሚሊዮኖች ብር የሚቆጠር ህንጻዎችን ገንብተው በማከራየት ላይ መሆናቸው ይታወቃል።

በኢትዮጵያ የእንግሊዝ እርዳታ ፖሊሲ ተግባራዊነት እንዲፈተሽ ታዘዘ

ኢትዮጵያ ውስጥ በአሸባሪነት ተጠርጥረዋል ተብለው የተያዙት 6 የኢንተርኔት ጸሐፍትና 3 ጋዜጠኞች ላይ ፖሊስ ሲያካሂድ የቆየው ምርመራ ተጠናቋል ቢባልም ምንም ዓይነት ውሳኔ እንዳልተሰጣቸው ጠበቃቸው አስታወቁ። ክሳቸው ዛሬ ወደ ሕጋዊ ሥርዓት ካልገባም ነገ ክስ ለመመሥረት ማሰባቸውን ጠበቃቸው አቶ አምሃ መኮንን ዛሬ  ተናግረዋል።

ፖሊስ ምርመራውን ማጠናቀቁን ባለፈው ቅዳሜ ለፍርድ ቤት ያሳወቀው፣ ተጠርጣሪ የተባሉትም ሆነ ጠበቃቸው ባልተገኙበት ነው። ተጠርጣሪዎቹ እንዲሁም ጠበቃቸው ፍርድ ቤት ሳይቀርቡ መዝገባቸው መዘጋቱን የጋዜጠኞች መብት ተሟጋቹ ድርጅት CPJ አውግዟል። በአሸባሪነት ተጠርጥረዋል ተብለው የተያዙት 3 ጋዜጠኞችና 6 የኢንተርኔት ጸሐፍት ከታሰሩ 80 ቀን ሆኗቸዋል። በዚህ ጊዜ ውስጥ በተለያዩ ጊዜያት የምርመራ ጊዜ እንዲሰጠው ሲጠይቅ የቆየው ፖሊስ ቅዳሜ ሐምሌ 5 2006 ዓም እንዲሁም ሰኞ ሐምሌ 7 2006 ዓም በተጠርጣሪዎቹ ላይ የሚያካሂደውን ምርመራ መጨረሱን ለፍርድ ቤት አስታውቆ የቀጠሮ ምርመራ መዝገቡ ተዘግቷል። ይህ የተደረገበትን መንገድ ግን የተጠርጣሪዎቹ ጠበቃ ተቃውመዋል። የተጠርጣሪዎቹ ጠበቃ አቶ አምሃ መኮንን አሰራሩ ትክክል እንዳልሆነ ነዉ የሚያስረዱት።

ፖሊስ ምርመራውን መጨረሱን ሲያሳውቅ ተጠርጣሪዎቹም ሆኑ ጠበቃቸው እንዲገኙ አለመደረጉ በጋዜጠኞች መብት ተከራካሪዎች ተወግዟል። ድርጊቱን ካወገዙት ውስጥ የጋዜጠኞች መብት ተከራካሪዎቹ በምህፃሩ CPJ እንዲሁም REPORTERS WITH OUT BORDERSS ይገኙበታል። CPJ ባወጣው መግለጫ መንግሥት የፍርድ ሂደቱን ሕጋዊ ለማስመሰል ቢሞክርም የሚፈፀመው ግን በቀል እና ሂስ አቅራቢዎችን የማፈን(ጭጭ የማሰኘት) ተግባር ነው ብሏል። የድርጅቱ የምሥራቅ አፍሪቃ ወኪል ቶም ሮድስ ባለፈው ቅዳሜና ሰኞ የተፈጸመውን ሕገ ወጥ ተግባር ይሉታል።

«በነፃ የፍርድ ሂደት ከዚህ በፊት ተከሳሾችም ሆኑ ጠበቆች እንዳይቀርቡ ሲደረግ አላየንም። ይህ የኢትዮጵያንም፤ ዓለም ዓቀፍ ሕግንም የሚፃረር ነው። እናም ሁኔታው በጣም ያሳስበናል። በፍርዱ ሂደት ባህርይም እንድንገረም አድርጎናል። የፍርዱ ሂደት ይበልጥ ከፖለቲካ ጋር እንዲያያዝ ተደርጓል።»

በርሳቸው አስተያየት መንግሥት ሂስ እንዲቀርብበት አይፈልግም።

«በአሁኑ ጊዜ ኢትዮጵያ ውስጥ ያለው መርህ ትችትን ለመቀበል ምን ዓይነት ቦታ የማይሰጥ ነው። ምናልባትም ይህ እርምጃ በመጪው ዓመት በግንቦት ከሚካሄደው ምርጫ ጋር የተያያዘ ይሆናል የሚል ጥርጣሬ አለኝ ።»

የ6ቱ የኢንተርኔት ጸሐፊዎችና የ3ቱ ጋዜጠኞች ጠበቃ አቶ አምሃ እሁድና ሰኞ በተፈፀመው ላይ ያላቸውን ቅሬታ በሰኞው ችሎት ለፍርድ ቤቱ አቅርበው ነበር።

አቶ አምሃ እንደሚሉት ፖሊስ ምርመራውን ካጠናቀቀ ደንበኞቻቸው ክስ ሊመሰረትባቸው አለያም በነፃ ሊለቀቁ ይገባ 

የውህደት እንቅስቃሴአችን በተሳካ ሁኔታ ቀጥሏል!! – ከመላው ኢትዮጵያ አንድነት ድርጅት (መኢአድ) እና ከአንድንት ለዴሞክራሲና ለፍትህ ፓርቲ (አንድነት) ከጉባኤ አዘጋጅ ኮሚቴ የተሰጠ ጋዜጣዊ መግለጫ

ለውህደቱ መሳካት ጥረት እና ድጋፍ እያደረጉ ላሉ ኢትዮጵያውያን ምስጋና እናቀርባለን!1እንደሚታወቀው የመላው ኢትዮጵያ አንድነት ድርጅት (መኢአድ) እና አንድነት ለዴሞክራሲና ለፍትህ ፓርቲ (አንድነት) የቅድመ ውህደት ስምምነት ፊርማ ካኖሩ በኋላ ጠቅላላ ጉባኤ በመጥራት ውህደቱን ምሉዕ ለማድረግ የጋራ ኮሚቴ በማቋቋም እየተንቀሳቀሱ ይገኛሉ፡፡

ይሄው ውህደት አመቻች ኮሚቴ በስምምነት ሰነዱ በተቀመጠው መሰረት ለማጠናቀቅ ቀን ከሌሊት እየሰራ ሲሆን የሁለቱ አንጋፋ ፓርቲዎች ውህደት የተሳካ እንዲሆን ትንሽ ግዜ መጨመር አስፈላጊ ሆኖ አግኝቶታል፡፡ በተለይም ለውህደቱ መሳካት የሚያስፈልገው የገንዘብ መጠን ሰፊ በመሆኑ በሀገር ውስጥና በውጭ የሚገኙ ደጋፊዎቻችን የአቅማቸውን ድጋፍ ለማድረግ በስምምነት ሰነዱ የተቀመጠው የውህደት ግዜ ላይ ሁለት ሳምንት መጨመር እንደሚያስፈልግ ታምኖበታል፡፡

ስለዚህ ጉባኤ ጠሪ ኮሚቴው ባደረገው ግምገማ የሁለቱ ፓርቲዎች የውህደት ግዜ ሓምሌ 19 እና 20 እንዲሆን ተስማምቷል፡፡ ከዚህ ውጭ ግን የሁለቱ ፓርቲዎች ረቂቅ ደምብና ፕሮግራም ዝግጅት በተሳካ ሁኔታ የተጠናቀቀቀ ሲሆን የጉባኤ ተሳታፊዎች የውህደቱን ግዜ በጉጉት እየጠበቁ ይገኛሉ፡፡ በመጨረሻም ሁለቱ ፓርቲዎች ተዋህደውና ሌሎች ፓቲዎች ወደ መሰባሰብ መጥተው የተጠናከረ የተቃውሞ ሃይል እንዲፈጠር ብርቱ ድጋፍ ላደረጉ ኢትዮጵያውያንና የውህደት አመቻች ኮሚቴው ስራ የተቀላጠፈ እንዲሆን ድጋፍ እያደረጉ ላሉ ኢትዮጵያውያን ሁሉ ከፍ ያለ ምስጋና እናቀርባለን፡፡

በመቀጠልም እስከ ውህደቱ ፍፃሜ ድረስ በሀገር ውስጥና በውጭ አገር እየተደረገ ያለው ድጋፍ እንደሚቀጥል በመተማመን ለውህደቱ ድጋፍ የምታደርጉ ኢትዮጵያውያን፡-
መኢአድ፤ አቢሲንያ ባንክ፤ ቦሌ ቅርንጫፍ፤ የባንክ አካውንት ቁጥር፡- AEUP – SP 235
አንድነት፤ አቢሲንያ ባንክ፤ ጠመንጃ ያዥ ቅርንጫፍ የባንክ አካውንት፡- UDJ – A/C 47
በኩል እንድታስገቡ የውህደት አመቻች ኮሚቴው አገራዊ ጥሪውን ያቀርባል፡፡

ስንተባባር እናሸንፈላን!!
ሐምሌ 9 ቀን 2006 ዓ.ም
አዲስ አበባ

የድምጻችን ይሰማ የመፍትሄ አፈላላጊ ኮሚቴ የፍርድ ሂደት እንደገና ተራዘመ

የተለያዩ ሰበቦች እየቀረቡበት የሚራዘመው የድምጻችን ይሰማ የመፍትሄ አፈላላጊ ኮሚቴ የፍርድ ሂደት ዛሬም በችሎት አዳራሽ ለውጥ

ምክንያት እንዲራዘም ተደርጓል።

በአቶ አቡበክር ምዝገብ የተከሰሱት ኮሚቴዎች፣ የመከላከያ ምስክር ለፍርድ ቤቱ ማስደመጥ እንደጀመሩ ነበር የችሎት ሂደቱ በሰባሰብ እንዲራዘም የተደረገው።

ዳኞችና አቃቢ ህጎች በቃሊቲ የሚገኘው የችሎት አዳራሽ ለትራንስፖርት የማያመች በመሆኑ እንዲቀየርላቸው ባመለከተቱት መሰረት አዲሱ ችሎት ሲ ኤም ሲ ሰሚት ተብሎ በሚጠራው

የአቃቂ ቃሊቲ ባህልና ቱሪዝም ቢሮ ቲያትር ቤት አዳራሽ እንዲካሄድ ተወስኗል። ዛሬ የተሰየመው ፍርድ ቤትም ችሎቱ እስኪስተካከል በሚል ቀጠሮውን አራዝሟል። አዳራሹ መቼ ዝግጁ

እንደሚሆን ግን የታወቀ ነገር የለም።  ችሎቶች የሚጓተቱት እስረኞችን ለመቅጣት ታስቦ መሆኑን አስተያየት ሰጪዎች ይናገራሉ።

ይህ በእንዲህ እንዳለ በግፍ ለታሰሩት  የኮሚቴውን አባላት ድጋፍ ለመግለጽና መንግስት ያቀረቡትን ጥያቄ እንዲመልስ ለማስገደድ ሙስሊም ኢትዮጵያውያን ጠንካራ ተቃውሞ ለማዘጋጀት እየተንቀሳቀሱ ነው።

ተቃውሞው የፊታችን አርብ በመላው አገሪቱ እንደሚካሄድ የደረሰን መረጃ ያመለክታል።

በኢትዮጵያ የእንግሊዝ እርዳታ ፖሊሲ ተግባራዊነት እንዲፈተሽ ታዘዘ

የእንግሊዝ የባሕር ማዶ ትብብር ኤጀንሲ ለኢትዮጵያ ድጋፍ ሲሰጥ ከራሱ የሰብዓዊ መብቶች ፖሊሲዎች ጋር በተጣጣመ መልክ መሆንና አለመሆኑ እንዲፈተሽ አንድ የእንግሊዝ ፍርድ ቤት መወሰኑን የሰብዓዊ መብቶች ተሟጋቹ ሂዩማን ራይትስ ዋች አድንቋል፡፡

  

ሌስሊ ሌፍኮው - የሂዩማን ራይትስ ዋች የአፍሪካ መርኃግብር ምክትል ዳይሬክተር

የእንግሊዝ የባሕር ማዶ ትብብር ኤጀንሲ ለኢትዮጵያ ድጋፍ ሲሰጥ ከራሱ የሰብዓዊ መብቶች ፖሊሲዎች ጋር በተጣጣመ መልክ መሆንና አለመሆኑ እንዲፈተሽ አንድ የእንግሊዝ ፍርድ ቤት መወሰኑን የሰብዓዊ መብቶች ተሟጋቹ ሂዩማን ራይትስ ዋች አድንቋል፡፡

የእንግሊዝ ከፍተኛ ፍርድ ቤት ትናንት፤ ሐምሌ 7/2006 ዓ.ም ባሣለፈው ውሣኔ የዓለም አቀፍ ትብብር መሥሪያ ቤቱ ለኢትዮጵያ ድጋፍ ሲሰጥ የሰብዓዊ መብቶች ጥሰቶችን የሚያሳዩ ማስረጃዎችን በበቂ ሁኔታ አይፈትሽም ሲባል የቀረበበት ክሥ ሙሉ የፍርድ ቤት ምርመራ የሚያስፈልገው ነው ብሏል፡፡

የሂዩማን ራይትስ ዋች የአፍሪካ መርኃግብር ምክትል ዳይሬክተር ሌስሊ ሌፍኮው ለዝግጅት ክፍላችን በሰጡት ቃል ይህ የእንግሊዝ ፍርድ ቤት ውሣኔ ገና የመጀመሪያ እርምጃና ሊደነቅ የሚገባው ነው ብለዋል፡፡

ጋምቤላ

በጋምቤላ፣ በሶማሌ ክልልና በደቡብ ኦሞ እየተፈፀሙ ናቸው ያሏቸው አድራጎቶችም የቅርብ ፍተሻ የሚያስፈልጋቸው መሆናቸውን የጠቆሙት ሚስ ሌፍኮው ልማት ከሰብዓዊ መብቶች መከበር ጋር አብሮ መታየት እንደሚገባቸው ለጋሾች ሊገነዘቡ ይገባል ብለዋል ሚስ ሌፍኮው፡፡

መሠረታዊ የልማት ድጋፍ ይቁም የሚል አቋም ሂዩማን ራይትስ ዋች እንደሌለው ሌፍኮው አመልክተው የእንግሊዝ መንግሥት ለኢትዮጵያ በሚሰጠው እርዳታ ሰብዓዊ መብቶችን የሚረግጡ ፕሮጀክቶችን የሚያስፈፅሙ ባለሥልጣናት ደመወዝ እንደሚከፈል አመልክተዋል፡፡

በሌላ በኩል ደግሞ በሕግ በተያዘ ጉዳይ ላይ አስታያየት እንማይሰጥ የተናገረው የእንግሊዝ የዓለምአቀፍ ልማት ሚኒስቴር መሥሪያ ቤት እንግሊዝ ለኢትዮጵያ የሠፈራ መርኃግብር የገንዘብ ድጋፍ ሰጥታ እንደማታውቅ ገልጿል፡፡

“መሠረታዊ አገልግሎቶችን ለመጠበቅ የምንሰጠው ድጋፍ የሚውለው እንደ ጤናጥበቃ፣ ትምህርት ቤቶች እና ንፁህ ውኃን ለመሳሰሉ አገልግሎቶች ነው” ብሏል መሥሪያ ቤቱ በኢሜል በሰጠን ምላሽ፡፡

የኢትዮጵያ ባለሥልጣናትም የሠፈራ መርኃ ግብሩ የሚካሄደው በሠፋሪዎቹ ፍቃደኝነትና በግልፅነት መሆኑን ይናገራሉ፡፡

ሰዎች በቀልን በመፍራት ምክንያት አስተያየቶቻቸውን ለመግለፅ እንደማይፈልጉና መንግሥቱ በመገናኛ ብዙኃን ላይ በተከታታይ አፈና እየፈፀመ መሆኑን የሂዩማን ራይትስ ዋች መግለጫ አመልክቷል፡፡

እንግሊዝ ለኢትዮጵያ በየዓመቱ የ300 ሚሊየን ፓውንድ እርዳታ እንደምትሰጥ ሂዩማን ራይትስ ዋች የጠቀሰ ሲሆን ሌፍኮው በሰጡት ቃል “የሃገሪቱ የሰብዓዊ መብቶች አያያዝ ግን በተከታታይ እያሽቆለቆለ ነው” ብለዋል፡፡

"የእንግሊዝ የውጭ ተራድዖ መሥሪያ ቤት የሰብዓዊ መብቶች ጉዳይ ግድ የሚሰጠው ከሆነ በመንደር ምሥረታ መርኃግብርና በሌሎችም አሠራሮች የሚፈፀሙ ብርቱ የመብቶች ጥሰቶችን ለማስቆም የሚያስችል ጫና ሊፈጥር በሚችል ሁኔታ የክትትልና ግምገማ ሥርዓቱን መልሶ መፈተሽና ሙሉ በሙሉ ማስተካከል ይኖርበታል" ሲሉ ሌስሊ ሌፍኮው አሳስበዋል፡
፡